Main Page - Heim
 About us
 Um okkur
 Photo Gallery
 E-mail - Netpóstur
 BOOK NOW!

-->

Um Tjaldanes    

Í Tjaldanesi í Mosfellsdal er til leigu 7 eins eða tveggja manna herbergi og eitt fjölskylduherbergi fyrir allt að 4 manns. Sameiginleg salernis- og baðaðstaða, eldunaraðstaða og stofa með sjónvarpi og tölvutengingu. Litið bókasafn er í stofu ásamt úrvali spila fyrir þá sem vilja njóta samræðna og samveru við vini eða ættingja.

Herbergin eru til leigu til skemmri eða lengri tíma. Tjaldanes er staðsett í sveitasælunni í hinum undurfagra Mosfellsdal í næsta nágrenni við grænmetis og blómaræktendur. Vinsæll grænmetismarkaður er á laugardögum frá miðju sumri fram á haust. Hestaleiga er í Laxnesi. Gljúfrasteinn, heimili Nóbelsskáldsins og fjölskyldu hans er í göngufæri. Þar er gaman að skoða húsið og húsbúnað með leiðsögn og njóta þar sumartónleika sem fara fram á sunnudögum á sumrin.

Stutt er að ganga til kirkju að Mosfelli og góðar gönguleiðir eru um allan dalinn. Níuholu gólfvöllur er spölkorn frá og svo má auðvitað leita að silfri Egils. Samkvæmt sögunni er silfur Egils Skallagrímssonar grafið í Tjaldanesi. Margir hafa leitað en ljóst er að það er ekki fundið svo gestum er velkomið að leita.

Það er 10 mín. akstur í Skálafell. Þar er að finna frábært skíðasvæði sem er opið á veturna þegar veður leyfir. Þar eru fjallahjólasvæði á sumrin.

Allar nánari upplýsingar um gistingu og aðstöðu veitir Margrét í síma 896 8926 eða netpósti til tjaldanes@tjaldanes.is.

Tjaldanes  Room for Rent - Mosfellsbær - Iceland - Phone +354 896-8926 - tjaldanes@tjaldanes.is